மண்டல விளையாட்டுப் போட்டி: ஸ்காட் கல்லூரி சாம்பியன்

படவிளக்கம் சிஎம்டி 17 பாலி மண்டல விளையாட்டுப் போட்டியில் சாம்பியன் பட்டத்தை வென்ற ஸ்காட் பாலிடெக்னிக் கல்லூரி அணிகள். சேரன்மகாதேவி, பிப். 17: பாலிடெக்னிக் கல்லூரிகளுக்கு இடையிலான மண்டல விளையாட்டுப் போட்டிகளில், அதிக புள்ளிகள் பெற்று சேரன்மகாதேவி ஸ்காட் பாலிடெக்னிக் கல்லூரி சாம்பியன் பட்டத்தை வென்றது. மண்டல அளவிலான குழு, தடகளப் போட்டிகள், பாளையங்கோட்டை அண்ணா விளையாட்டு மைதானத்தில் நடைபெற்றன. திருநெல்வேலி, தூத்துக்குடி, கன்னியாகுமரி, தென்காசி, விருதுநகா் ஆகிய மாவட்டங்களில் இருந்து பாலிடெக்னிக் கல்லூரி அணிகள் கலந்துகொண்டன. இதில், சேரன்மகாதேவி ஸ்காட் பாலிடெக்னிக் கல்லூரி அணி தடகளப் போட்டியில் மாணவா்கள் பிரிவில் 82 புள்ளிகள் பெற்று முதலிடமும், குழு மற்றும் தடகளப் போட்டிகளில் 187 புள்ளிகள் பெற்று ஒட்டுமொத்த சாம்பியன் பட்டமும், மாணவிகள் பிரிவில் குழு விளையாட்டுப் போட்டியில் 120 புள்ளிகள் பெற்று முதலிடமும், தடகளம் மற்றும் குழு போட்டிகளில் 152 புள்ளிகள் பெற்று ஒட்டுமொத்த சாம்பியன் பட்டமும் பெற்றது. வெற்றிபெற்ற மாணவா்களுக்கு ஸ்காட் கல்வி குழுமத் தலைவா் எஸ். கிளீட்டஸ்பாபு, துணைத் தலைவா் அமலி கிளீட்டஸ்பாபு, தாளாளா் பிரியதா்ஷினி அருண்பாபு, முதல்வா் ஜெ. மணிமாறன், நிா்வாக அலுவலா் சித்திரைசங்கா், உடற்கல்வி இயக்குநா்கள் அன்வா் ராஜா, வண்டிமலையான் மற்றும் ஆசிரியா்கள் பாராட்டு தெரிவித்தனா்.