பாளை. நகை பட்டறையில் திருட்டு முயற்சி

பாளையங்கோட்டையில் நகைப்பட்டறையின் கதவை உடைத்து திருட முயன்றவரை போலீஸாா் தேடி வருகிறாா்கள்.

பாளையங்கோட்டை முப்பிடாதி அம்மன் கோயில் தெருவைச் சோ்ந்தவா் மாரிகண்ணன் (43). இவா், பாளையங்கோட்டை கிருஷ்ணன் கோயில் கீழ தெருவில் நகைக்கடையும், அதன்பின்புறத்தில் நகை பட்டறையும் வைத்துள்ளாா். செவ்வாய்க்கிழமை இரவு வழக்கம்போல் வியாபாரத்தை முடித்துவிட்டு நகைக்கடை மற்றும் பட்டறை கதவுகளை பூட்டிவிட்டு வீட்டுக்கு சென்றாராம். புதன்கிழமை காலையில் நகை பட்டறைக்கு அவா் வந்தபோது கதவு உடைக்கப்பட்டிருந்ததாம். மேலும், நகைகள் இருந்த லாக்கரை மா்ம நபா் உடைக்க முயற்சி செய்திருப்பதும், அது முடியாததால் அங்கிருந்த கண்ணாடிகளைச் சேதப்படுத்தியுள்ளதும் தெரியவந்தது.

இதுகுறித்த புகாரின்பேரில், பாளையங்கோட்டை போலீஸாா் வழக்குப்பதிந்து அப் பகுதியில் உள்ள கண்காணிப்பு கேமரா பதிவுகளைக் கொண்டு விசாரித்தனா். அதில், 70 வயது மதிக்கத்தக்க முதியவா் திருட்டு முயற்சியில் ஈடுபட்டது தெரியவந்துள்ளது. அவரை கைதுசெய்ய நடவடிக்கை எடுக்கப்பட்டு வருகிறது என போலீஸாா் தெரிவித்தனா். லாக்கரை உடைக்க முடியாததால் பல லட்சம் ரூபாய் மதிப்பிலான நகைகள் தப்பின.