நெல்லை மாவட்டத்தில் கால்நடைகள் கணக்கெடுப்பு பணி இன்று தொடக்கம்

திருநெல்வேலி மாவட்டத்தில் 21ஆவது கால்நடை கணக்கெடுப்பு பணி வெள்ளிக்கிழமை (அக்.25) தொடங்குகிறது.

இது தொடா்பாக மாவட்ட ஆட்சியா் கா.ப. காா்த்திகேயன் வெளியிட்டுள்ள செய்திக்குறிப்பு: இந்தியாவில் கால்நடை கணக்கெடுப்பு 5 ஆண்டுகளுக்கு ஒருமுறை எடுக்கப்படுகிறது. இதுவரை 20 கால்நடை கணக்கெடுப்புகள் நடைபெற்றுள்ளன. தற்போது 21ஆவது கால்நடை கணக்கெடுப்பு பணி நாடு முழுவதும் வெள்ளிக்கிழமை தொடங்குகிறது.

திருநெல்வேலி மாவட்டத்தில் கால்நடை கணக்கெடுக்கும் பணிகளை கால்நடை பராமரிப்புதுறை மூலம் மேற்கொள்ள ஏதுவாக திருநெல்வேலி 188 கால்நடை கணக்கெடுப்பாளா்கள் மற்றும் 41 மேற்பாா்வையாளா்களுக்கு நோ்முகப் பயிற்சி மற்றும் களப்பயிற்சி அளிக்கப்பட்டுள்ளது. இக்கணக்கெடுப்பு வருவாய் கிராமம் வாரியாகவும், நகா்ப்பகுதியில் வாா்டு வாரியாகவும் நடைபெற உள்ளது.

கால்நடை வைத்துள்ளவரின் பெயா், முகவரி, ஆதாா், தொலைபேசிஎண், முக்கிய தொழில், அவரிடம் உள்ள நிலத்தின் அளவு, அவரிடம் உள்ள கால்நடை எண்ணிக்கை, இனம், வயது, பாலினம் போன்ற விவரங்கள் சேகரிக்கப்படும்.

இப்பணியின் மூலம் கிராம மற்றும் நகரப் பகுதிகளில் வளா்க்கப்பட்டு வரும் 16 வகையான கால்நடைகளின் எண்ணிக்கை, இனம், வயது, பாலினம் போன்ற விவரங்கள் சேகரிக்கப்படும். கால்நடை பராமரிப்பிற்கான எதிா்கால திட்டங்களை தீட்டுதல், செயல்படுத்துதல், கண்காணித்தல் ஆகியவற்றை சிறப்பாக செய்ய இயலும். கால்நடைகளுக்கு எதிா்காலத்தில் தேவைப்படும் தீவனம், கால்நடை நோய்த்தடுப்பூசி, மருந்துகள் உற்பத்தி போன்றவற்றை தட்டுப்பாடு இல்லாமல் தயாரிக்க உதவும்.

மக்கள்தொகை வளா்ச்சிக்கு ஏற்ப பால், பாலாடைக்கட்டி, பன்னீா், தயிா், வெண்ணெய், நெய், ஆட்டிறைச்சி, பிற இறைச்சிகள், முட்டை போன்றவற்றை தட்டுப்பாடின்றி உற்பத்தி செய்வதிலும் இது முக்கிய பங்காற்றும்.

கால்நடைகளில் இருந்து மனிதா்களுக்கு பரவக்கூடிய விலங்கு வழி தொற்று நோய்களான ரேபிஸ் எனப்படும் வெறிநோய், புரூசெல்லா எனப்படும் கருச்சிதைவுநோய், எலிக்காய்ச்சல் எனப்படும் மஞ்சள்காமாலை போன்ற 100-க்கும் மேற்பட்ட நோய்களை தடுக்கவும் கட்டுப்படுத்தவும் கால்நடைகளின் எண்ணிக்கை அவசியமானது.

கடும் மழை, புயல், வெள்ளம் போன்ற இயற்கை சீற்றங்களால் கால்நடைகள் பாதிக்கப்படாமல் தடுக்கவும், கால்நடைகளுக்கு பாதிப்பு ஏற்பட்டால் உரிய நிவாரணம் அளிக்கவும் கால்நடை கணக்கெடுப்பு முக்கியமாகும். கால்நடைகளுக்கான கொட்டகை வசதி, கால்நடை காப்பீடுவசதி, கால்நடை தீவன உற்பத்தி போன்றவற்றை திட்டமிட கால்நடைஎண்ணிக்கை இன்றியமையாதது.

எனவே, கால்நடை கணக்கெடுப்பாளா்கள் உங்கள் பகுதியில் விவரங்கள் சேகரிக்க வரும் பணியாளா்களுக்கு அனைவரும் ஒத்துழைப்பு நல்கி, உரிய விவரங்களை அளிக்குமாறு கேட்டுக்கொள்ளப்படுகின்றனா் எனக் கூறியுள்ளாா்.