திமுக தலைவர் மு.க.ஸ்டாலின் பிறந்த நாளையொட்டி, திருச்செந்தூரில் இம்மாதம் 28ஆம் தேதி பிற்பகல் 3 மணிக்கு கோலப்போட்டி நடைபெற உள்ளது.
வீரபாண்டியன்பட்டணம் ஆதித்தனார் கல்லூரி எதிர்புறம் உள்ள மைதானத்தில் நடைபெறும்  இப்போட்டியில்,   திருச்செந்தூர் ஒன்றியம் மற்றும் காயல்பட்டினத்தைச் சேர்ந்த பெண்கள் சனி மற்றும் ஞாயிற்றுக்கிழமைகளிலும் (பிப். 23, 24) உடன்குடி, ஆழ்வை கிழக்கு ஆகிய ஒன்றியங்களைச் சேர்ந்தவர்கள் பிப். 25, 26 ஆகிய தேதிகளிலும் திருச்செந்தூர், பகத்சிங் பேருந்து நிலையம் அருகேயுள்ள சட்டப்பேரவை உறுப்பினர் அலுவலகத்தில் முன்பதிவு செய்து கொள்ளலாம். 
 போட்டியில் வெல்லும் முதல் 3 பேருக்கு முறையே   5 பவுன், 3 பவுன், 2 பவுன் என்ற அடிப்படையில் தங்கச்சங்கிலி பரிசளிக்கப்படும்.  மற்ற அனைவருக்கும் ஆறுதல் பரிசு வழங்கப்படும். தி.மு.க. மகளிரணி மாநிலச் செயலர் கனிமொழி எம்.பி. பரிசுகளை வழங்குவார் என அக்கட்சியின் தூத்துக்குடி தெற்கு மாவட்டப்  பொறுப்பாளர் அனிதா ஆர்.ராதாகிருஷ்ணன் எம்.எல்.ஏ. அறிக்கையில் தெரிவித்துள்ளார்.