எட்டயபுரம் அருகே பைக்கில் வந்த மா்ம நபா்கள் ஆசிரியைகளிடம் அரிவாளை காட்டி மிரட்டி 12 பவுன் நகைகளை பறித்துச் சென்றனா்.

எட்டயபுரம் அருகே உள்ள எம். கோட்டூரைச் சோ்ந்த கந்தசாமி மனைவி ரேனுகா தேவி (51). எட்டயபுரம் மேல ரதவீதியைச் சோ்ந்த காளியப்பன் மனைவி கற்பகம் (47). இவா்கள் வடக்கு முத்துலாபுரத்தில் உள்ள இந்து நாடாா் நடுநிலைப் பள்ளியில் ஆசிரியைகளாக பணிபுரிந்து வருகின்றனா்.

பள்ளியில் பணி முடிந்ததும் ஆசிரியை ரேனுகாதேவி, ஆசிரியை கற்பகத்தை பைக்கில் அழைத்துச் சென்று எம். கோட்டூா் விலக்கில் இறக்கிவிட்டு செல்வாராம். கற்பகம் அங்கிருந்து பேருந்தில் எட்டயபுரத்துக்கு செல்வது வழக்கமாம்.

வெள்ளிக்கிழமை மாலை வழக்கம் போல் இருவரும் பள்ளியிலிருந்து புறப்பட்டு பைக்கில் சென்று கொண்டிருந்தனராம். எம். கோட்டூா் விலக்கு செல்லும் சாலையில் மதுபானக்கடையை கடந்து சென்றபோது, பின்னால் பைக்கில் வந்த இளைஞா்கள் ஆசிரியையின் பைக்கை மிதித்து தள்ளியதில் இருவரும் நிலை தடுமாறி கீழே விழுந்தனராம்.

இதையடுத்து அந்த இளைஞா்கள் அரிவாளை காட்டி மிரட்டி இருவரும் அணிந்திருந்த 12 பவுன் நகைகளை பறித்துக்கொண்டு தப்பிச் சென்றுவிட்டனராம்.

அவா்கள் தள்ளிவிட்டதில் காயமடைந்த ஆசிரியை ரேனுகாதேவி எட்டயபுரம் அரசு மருத்துவமனையில் அனுமதிக்கப்பட்டுள்ளாா்.

தகவலறிந்த போலீஸாா் சம்பவ இடத்துக்குச் சென்று விசாரணை நடத்தினா். மேலும் இதுகுறித்து வழக்குப் பதிந்து நகை பறிப்பில் ஈடுபட்டவா்களை தேடி வருகி ன்றனா்.