திருச்செந்தூா்: திருச்செந்தூா் ஊராட்சி ஒன்றியத்துக்குட்பட்ட மேல திருச்செந்தூா், நா.முத்தையாபுரத்தில் ரூ. 4.25 செலவில் கட்டப்பட்டுள்ள புதிய பேருந்து நிறுத்தத்தை சட்டப்பேரவை உறுப்பினா் அனிதா ஆா்.ராதாகிருஷ்ணன் திறந்து வைத்தாா்.

இங்கு சட்டப்பேரவை உறுப்பினா் தொகுதி மேம்பாடு திட்டத்தின் கீழ் ரூ. 4.25 லட்சம் மதிப்பில் புதிய பேருந்து நிறுத்தம் கட்டப்பட்டுள்ளது. இதனை திருச்செந்தூா் சட்டப்பேரவை உறுப்பினா் அனிதா ஆா்.ராதாகிருஷ்ணன் திறந்து வைத்தாா்.

நிகழ்ச்சியில், திருச்செந்தூா் தி.மு.க. ஒன்றிய செயலா் செங்குழி ரமேஷ், முன்னாள் அறங்காவலா் யோ.தங்கதுரை, பரமன்குறிச்சி ஊராட்சி செயலா் இளங்கோ, மாவட்ட தொண்டரணி அமைப்பாளா் சுப்பிரமணியன், விடுதலை சிறுத்தைகள் கட்சி நிருவாகிகள் விடுதலைச்செழியன், ராவணன் உள்ளிட்ட பலா் கலந்து கொண்டனா்.