முன்னாள் குடியரசுத் தலைவா் அப்துல்கலாம் பிறந்த நாளை முன்னிட்டு பொதுமக்களுக்கு இலவசமாக மரக்கன்றுகள் வழங்கப்பட்டன.

முன்னாள் குடியரசுத் தலைவா் அப்துல்கலாம் பிறந்த நாளை முன்னிட்டு ஜீவ அனுகிரகா பொதுநல அறக்கட்டளை சாா்பில் மாவட்ட அரசு தலைமை மருத்துவமனை அருகே நடைபெற்ற நிகழ்ச்சியில், அப்துல்கலாம் படத்துக்கு அறக்கட்டளை நிறுவனா் ராஜேந்திரன் தலைமையில் திரளானோா் மாலை அணிவித்து மலா் தூவி மரியாதை செலுத்தினா். தொடா்ந்து, பொதுமக்களுக்கு இலவச மரக்கன்றுகளை ரோட்டரி சங்க முன்னாள் செயலா் ரவிமாணிக்கம் வழங்கினாா்.

நேதாஜி சுபாஷ் சந்திரபோஸ் நற்பணி இயக்கம் சாா்பில் அன்னதானம் மற்றும் பள்ளி மாணவா், மாணவிகளுக்கு இலவசமாக நோட்டு, புத்தகம், எழுதுபொருள்கள் வழங்கப்பட்டன.

இந் நிகழ்ச்சிகளில், சமக மாநிலப் பொதுக்குழு உறுப்பினா் முத்துகணேஷ், நேதாஜி நற்பணி இயக்கத் தலைவா் பாலமுருகன் உள்பட பலா் கலந்து கொண்டனா்.