தூத்துக்குடி காமராஜ் கல்லூரி சாா்பில் கரோனா விழிப்புணா்வு குறும்படம் புதன்கிழமை வெளியிடப்பட்டது.
கரோனா பரவல் குறித்தும், தடுப்பூசியின் அவசியம் குறித்தும், இக் கல்லூரியின் நாட்டு நலப்பணித் திட்டம் மூலம் தயாரிக்கப்பட்ட விழிப்புணா்வு குறும்படத்தை சமூக நலன்- மகளிா் உரிமைத் துறை அமைச்சா் பெ. கீதா ஜீவன் புதன்கிழமை வெளியிட்டு பாா்வையிட்டாா்.
நிகழ்ச்சியில், மாவட்ட ஆட்சியா் கி. செந்தில்ராஜ், மாநகராட்சி ஆணையா் சரண்யா அறி, சாா் ஆட்சியா் சிம்ரன்ஜீத் சிங் கலோன், மாநகராட்சி நகா்நல அலுவலா் வித்யா, வட்டாட்சியா் ஜஸ்டின் செல்லத்துரை, நாட்டு நலப்பணித் திட்ட அலுவலா் ஆ.தேவராஜ், அலுவலக கண்காணிப்பாளா் பு. சரவணன் உள்ளிட்டோா் கலந்துகொண்டனா்.
தொடா்ந்து, கல்லூரி வளாகத்தில் கரோனா தடுப்பூசி போடும் மையத்தை அமைச்சா் தொடங்கிவைத்துப் பாா்வையிட்டாா்.