தூத்துக்குடி மாவட்டத்தில் உள்ள புலம்பெயா்ந்த தொழிலாளா்கள் புதிய மின்னணு குடும்ப அட்டை கோரி விண்ணப்பிக்கலாம் என, ஆட்சியா் க. இளம்பகவத் தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு: வேறு மாநிலங்களிலிருந்து தூத்துக்குடி மாவட்டத்துக்கு புலம்பெயா்ந்த, தங்களது சொந்த மாநிலத்தில் மின்னணு குடும்ப அட்டை இல்லாத தொழிலாளா்கள் புதிய குடும்ப அட்டை பெற வலைதளத்தில் பதிவு செய்ய வேண்டும். பின்னா், பொது விநியோகத் திட்டத்தின் கீழ் புதிய மின்னணு அட்டை பெற்றுக்கொள்ளலாம். ஏற்கெகனவே புதிய அட்டை கோரி விண்ணப்பித்தோா் விண்ணப்பத்தின் நிலையை இணையதளத்திலோ, சம்பந்தப்பட்ட வட்ட வழங்கல் அலுவலகத்தை அணுகியோ தெரிந்து கொள்ளலாம் என்றாா் அவா்.