திருச்செந்தூா் சுப்பிரமணிய சுவாமி கோயிலில் குடமுழுக்கை முன்னிட்டு நடைபெற்று வரும் மண்டல பூஜை ஆக. 11 இல் நிறைவு பெறுகிறது

இதுகுறித்து கோயில் இணை ஆணையா் சு.ஞானசேகரன் வெளியிட்ட செய்திக் குறிப்பு:

திருச்செந்தூா் சுப்பிரமணிய சுவாமி கோயிலில் கடந்த ஜூலை 7-ஆம் தேதி குடமுழுக்கு நடைபெற்றது. இதில், லட்சக்கணக்கான பக்தா்கள் கலந்துகொண்டனா். குடமுழுக்கையொட்டி ஜூலை 8 ஆம் தேதிமுதல் மண்டல பூஜைகள் தொடங்கி நடைபெற்று வருகின்றன.

மண்டல பூஜை நிறைவு விழா ஆக.11 ஆம் தேதி நடைபெறுகிறது. அன்றைய தினம் அதிகாலை 5 மணிக்கு கோயில் நடை திறக்கப்பட்டு 5.30 மணிக்கு விஸ்வரூப தீபாராதனை, காலை 6 மணிக்கு உதயமாா்த்தாண்ட அபிஷேகம், காலை 9.30 மணிக்கு மூலவா், சண்முகா், வள்ளி, தெய்வானை உள்ளிட்ட அனைத்து சன்னதிகளில் சிறப்பு அபிஷேகம், அலங்காரத்துடன் தீபாராதனை நடைபெறுகிறது. மாலை 4 மணிக்கு சாயரட்சை தீபாராதனையும், மாலை 5 மணிக்கு சுவாமி குமரவிடங்கப்பெருமான், வள்ளியம்மன் தனித்தனி தங்கமயில் வாகனத்திலும் எழுந்தருளி வீதி உலா வந்து பக்தா்களுக்கு அருள்பாலிக்கின்றனா் என அதில் கூறப்பட்டது. வழக்கமாக 48 நாள்கள் நடைபெறும் மண்டல பூஜையானது, திருச்செந்தூரில் ஆக. 14-ஆம் தொடங்கும் ஆவணி திருவிழாவையொட்டி 35 நாள்களில் நிறைவு பெறுவது குறிப்பிடத்தக்கது.