முதல்வா்-வைகோ சந்திப்பு ஏன்?துரை வைகோ எம்.பி. விளக்கம்

தமிழக முதல்வா் ச.ஜோசப் விஜய்யுடன் மதிமுக பொதுச் செயலா் வைகோ சந்தித்தது ஏன்? என்று கட்சியின் முதன்மைச் செயலரும் திருச்சி மக்களவை உறுப்பினருமான துரைவைகோ விளக்கமளித்தாா்.

கரூா் மாவட்டம், கிருஷ்ணராயபுரத்தில் புதன்கிழமை நடைபெற்ற மதிமுக நிா்வாகியின் இல்லத் திருமண வரவேற்பு விழாவில் பங்கேற்ற பிறகு அவா் செய்தியாளா்களிடம் கூறியது: தூத்துக்குடி ஸ்டொ்லைட் ஆலையை மீண்டும் திறப்பதற்கான முயற்சிகள் நடைபெறுவதாக தகவல் வந்தது. அதற்கு தமிழக அரசு அனுமதி அளிக்கக்கூடாது என மனு அளிப்பதற்காக தமிழக முதல்வா் ச.ஜோசப் விஜய்யை சந்திக்க மதிமுக பொதுச்செயலா் வைகோ அனுமதி கேட்டிருந்தாா். அதனைத் தொடா்ந்து அமைச்சா் ஆதவ்அா்ஜூனா, வைகோவை சந்தித்தாா். தொடா்ந்து முதல்வரை புதன்கிழமை வைகோ சந்தித்தாா்.

பொதுக்குழுவில் முடிவு: மதிமுகவின் அரசியல் நிலைப்பாடு குறித்து ஜூன் 27-ஆம் தேதி நடைபெறும் கட்சி பொதுக்குழுவில் நிா்வாகிகளின் கருத்தை அறிந்து தலைமை முடிவு செய்யும். பயிா்கடன் தள்ளுபடி ரூ.50 ஆயிரத்திலிருந்து ரூ.75 ஆயிரமாக அதிகரிக்கப்பட்டுள்ளது. காலப்போக்கில் முழுமையாக தள்ளுபடி செய்யப்படும் என எதிா்பாா்க்கலாம்.

பிற கட்சி எம்.எல்.ஏ. ராஜிநாமா குறித்து கருத்து சொல்வது சரியாக இருக்காது. இயக்கத்தின் தலைமை மீதான அதிருப்தி, கொள்கைக்கு புறம்பாக அவா்கள் செயல்படுவதாக கருத்து ஏற்படும்போது ராஜிநாமா செய்கின்றனா். இதுபோன்ற சம்பவங்கள் ஏற்கெனவே நடந்துள்ளன. ஒரு கட்சியில் இருந்து கொண்டே அதற்கு எதிராக வாக்களிப்பதை தான் தவறு என கூறமுடியும்.

சாலையை அகலப்படுத்த நடவடிக்கை: திருச்சி-கரூா் தேசிய நெடுஞ்சாலையில் திருச்சியில் இருந்து கரூா் வரை சாலை குறுகலாக இருப்பதால் அதிக விபத்துகள் நடைபெறுகின்றன. இதுகுறித்து மத்திய அரசிடம் கோரிக்கை வைத்தப்போது திருச்சியில் இருந்து கரூா் வழியாக கோவைக்கு பசுமை வழிச்சாலை அமைக்கப்பட உள்ளதாக தெரிவித்தனா்.

இத்திட்டத்துக்கு நிலஆா்ஜிதம் செய்து பணிகள் தொடங்க 10 ஆண்டுகளாகிவிடும். பெருகிவரும் போக்குவரத்து காரணமாக 10 ஆண்டுகள் வரை இச்சாலை தாங்காது. எனவே ஏற்கேனவே நில ஆா்ஜிதம் செய்யப்பட்டுள்ள தற்போது பயன்பாட்டில் உள்ள சாலையையே அகலப்படுத்த நடவடிக்கை எடுக்கவேண்டும். இது தொடா்பாக தேசிய நெடுஞ்சாலை ஆணைய அலுவலா்களை சந்திக்க உள்ளேன். பெண்கள், குழந்தைகள் மீதான குற்றங்களில் தொய்வின்றி தவெக அரசு நடவடிக்கை எடுத்து வருகிறது.

அண்மையில் நடந்த குற்றங்களில் ஒருசில வற்றில் வெளிமாநில தொழிலாளா்கள் ஈடுபட்டுள்ளதால் காவல்துறை அவா்களை கண்காணிக்கவேண்டும் என்றாா் அவா்.

தவெகவும் திராவிட இயக்கம்தான்: முன்னதாக, திருச்சி விமானநிலையத்தில் செய்தியாளா்களிடம் அவா் கூறியது:

திருச்சி மாவட்ட ஆட்சியா் பிரத்திக் தாயள், திருச்சி மாநகராட்சி ஆணையா் வீா் பிரதாப் சிங் ஆகியோா் புதிதாக பொறுப்பேற்றுள்ளதால் அவா்களை சந்தித்து நிலுவையில் உள்ள திட்டங்கள், அதனை வேகப்படுத்த வேண்டிய பணிகள் குறித்து ஆலோசித்தேன். தமிழக அரசு வெளியிட்டுள்ள வெள்ளை அறிக்கையில் குறிப்பிட்டுள்ள நிதிப்பற்றாக்குறையை நிவா்த்தி செய்ய எந்தெந்த துறைகள் மூலமாக வருவாயை அதிகரிக்க வேண்டும் என திட்டமிட்டுள்ளது தவெக அரசு.

தமிழகத்தில் மின் உற்பத்தியில் எந்தவித பிரச்னையும் இல்லை. அதன் பகிா்மானம், விநியோகத்தில் சிக்கல் உள்ளது. மின்விநியோக கட்டமைப்பை 25 ஆண்டுகளாக மேம்படுத்தவில்லை. ஆள்கள் பற்றாக்குறை உள்ளது. எனவே, மின்வெட்டு பிரச்னை பூதாகராமாகிறது. சமூக நீதியை செயல்படுத்தும் எந்த இயக்கமும் திராவிட இயக்கம்தான். எங்களைப் பொறுத்தவரை தவெகவும் திராவிட இயக்கம்தான் என்றாா் அவா்.