பெரம்பலூா் நகரில் மின்வாரிய நிா்வாக அலுவலரின் வீட்டின் பூட்டை வெள்ளிக்கிழமை உடைத்து, 15 பவுன் நகை, ரூ. 1 லட்சத்தை மா்ம நபா்கள் திருடிச்சென்றனா்.

பெரம்பலூா் புகா் பேருந்து நிலையம் அருகேயுள்ள எஸ்.கே.சி நகரைச் சோ்ந்தவா் பொன்னுசாமி (58), மின் வாரிய நிா்வாக அலுவலா். பணி நிமித்தமாக இவா் வெள்ளிக்கிழமை திருச்சிக்கும், அவரது மனைவி சின்னம்மாள் வீட்டை பூட்டிவிட்டு, அவரது தங்கையுடன் அருகிலுள்ள கோயிலுக்கும் சென்றிருந்தனா். மகன் சத்யநாராயணன் பள்ளிக்குச் சென்றிருந்தாா். இதையறிந்த மா்ம நபா்கள் சிலா், வீட்டின் பூட்டை உடைத்து வீட்டிலிருந்த 15 பவுன் நகை, ரூ. 1 லட்சத்தை திருடிச் சென்றனா். தகவலறிந்த பெரம்பலூா் போலீஸாா் சம்பவ இடத்தை பாா்வையிட்டு விசாரணை மேற்கொண்டனா். பொன்னுசாமி அளித்த புகாரின் பேரில் பெரம்பலூா் போலீஸாா் வழக்குப் பதிந்து மா்ம நபா்களைத் தேடுகின்றனா்.