தமிழ்நாடு மற்றும் புதுச்சேரி அனைத்து கட்டடப் பொறியாளர்கள் சங்கங்களின் கூட்டமைப்பு சார்பில் 15 ஆம் தேதி சென்னையில் நடைபெற உள்ள உண்ணாவிரதப் போராட்டத்தில் திரளானோர் பங்கேற்பதென தீர்மானிக்கப்பட்டுள்ளது. 
இதுகுறித்து, பொன்னமராவதி கட்டடப் பொறியாளர்கள் சங்கத் தலைவர் விஎன்ஆர்.நாகராஜன் தெரிவித்துள்ளதாவது:  பல்வேறு கோரிக்கைகளை வலியுறுத்தி, தமிழ்நாடு மற்றும் புதுச்சேரி அனைத்து கட்டடப் பொறியாளர்கள் சங்கங்களின் கூட்டமைப்பு சார்பில் சென்னை வள்ளுவர் கோட்டம் அருகே வரும் 15 ஆம் தேதி காலை 8 மணி முதல் மாலை 5 மணிவரை மாபெரும் உண்ணாவிரதப் போராட்டம் நடைபெற உள்ளது.  இதில், மாநிலத்தில் உள்ள அனைத்து பொறியாளர்கள், அரசு ஒப்பந்ததாரர்கள், லாரி உரிமையாளர்கள், கட்டடப் பொருள்கள் விற்பனையாளர்கள் பங்கேற்க உள்ளனர். போராட்டத்துக்கு, மாநில தலைவர் சி.தில்லைராஜன் தலைமை வகிக்கிறார் எனத் தெரிவித்தார்.