திமுக செயல் தலைவர் மு.க. ஸ்டாலின் பிறந்த நாளை முன்னிட்டு பட்டுக்கோட்டை மேற்கு ஒன்றிய திமுக சார்பில் அதிராம்பட்டினம் அருகேயுள்ள  ராஜாமடம் ஸ்ரீ ராமகிருஷ்ணா ஆதரவற்ற குழந்தைகள் காப்பகத்திலுள்ள குழந்தைகளுக்கு அறுசுவை உணவு ஞாயிற்றுக்கிழமை வழங்கப்பட்டது.
பட்டுக்கோட்டை மேற்கு ஒன்றியச் செயலர் ஏனாதி பா. ராமநாதன் தலைமை வகித்தார். அதிரை பேரூர் செயலர் இராம. குணசேகரன், பொருளாளர் கோடி முதலி, துணைச் செயலர் அன்சர்கான், மீனவரணி பொறுப்பாளர் சுப்பிரமணி மற்றும் வார்டு பொறுப்பாளர்கள் கலந்து கொண்டனர். குழந்தைகளுக்கு அறுசுவை உணவளித்த திமுகவினருக்கு காப்பகப் பொறுப்பாளர் ஆர்.எஸ். மணிவண்ணன் நன்றி கூறினார்.