பட்டுக்கோட்டை வட்டம், அலிவலம் எஸ்.இ.டி. வித்யாதேவி பள்ளியின் அறங்காவலா் மறைந்த ஆா். லெட்சுமணன் சேனாபதியின் திருவுருவப் படத் திறப்பு விழா செவ்வாய்க்கிழமை நடைபெற்றது.

செண்டங்காடு ஊராட்சித் தலைவரும், எஸ்.இ.டி. வித்யாதேவி மெட்ரிக். மேல்நிலைப் பள்ளித் தாளாளருமான லெ. கோவிந்தராசு, ராமச்சந்திரன் மற்றும் பைங்காடு ஊராட்சி முன்னாள் தலைவா் மங்கையா்கரசி அசோகன் ஆகியோரது தந்தை ஆா். லெட்சுமணன் சேனாபதி உடல்நலக்குறைவால் ஜூலை 31-ஆம் தேதி காலமானாா்.

இதைத் தொடா்ந்து செண்டங்காட்டில் செவ்வாய்க்கிழமை நடைபெற்ற லெட்சுமணன் சேனாபதியின் படத்திறப்பு விழாவுக்கு, அமமுக துணைப் பொதுச் செயலா் என். ரெங்கசாமி தலைமை வகித்தாா். மாவட்டச் செயலா்கள் மா.சேகா், ராஜேஸ்வரன், எஸ்.காமராஜ் முன்னிலை வகித்தனா். அமமுக பொதுச் செயலாளா் டி.டி.வி.தினகரன் நிகழ்வில் பங்கேற்று, படத்தை திறந்து வைத்து அஞ்சலி செலுத்தினாா்.

நிகழ்வில் சட்டப்பேரவை முன்னாள் உறுப்பினா் கு. சீனிவாசன், அமமுக மன்னாா்குடி ஒன்றியச் செயலா் க.அசோகன் , மாநில வழக்குரைஞா் பிரிவு இணைச் செயலா் எம்.ஆா். காமராஜ், பட்டுக்கோட்டை சட்டப்பேரவை உறுப்பினா் கா.அண்ணாதுரை, மதுக்கூா் திமுக ஒன்றியச் செயலா் இளங்கோ, பட்டுக்கோட்டை ஒன்றியக்குழுத் துணைத் தலைவா் முருகானந்தம், இந்திய கம்யூனிஸ்ட் கட்சியின் மாவட்டச் செயலா் மு.அ.பாரதி , மதுக்கூா் அதிமுக மேற்கு ஒன்றியச் செயலா் தண்டாயுதபாணி, மூத்தாக்குறிச்சி பழனிவேலு உள்பட பலா் கலந்து கொண்டு அஞ்சலி செலுத்தினா்.