நேபாளத்தில் நடைபெற்ற சா்வதேச அளவிலான தடகளத்தில் தங்கம் வென்ற ஆலத்தூா் அரசு மேல்நிலைப் பள்ளி மாணவா் கோ. சிவப்பிரகாசத்துக்கு சனிக்கிழமை உற்சாக வரவேற்பு அளிக்கப்பட்டது.

அக்டோபா் 1 முதல் 5-ஆம் தேதி வரை நடைபெற்ற சா்வதேச தடகளத்தில் 200 மீட்டா் பிரிவில் இவா் தங்கம் வென்றிருந்தாா். ஏழைக் கூலித் தொழிலாளி கோபாலகிருஷ்ணன்- தேன்மொழி தம்பதியின் மகனான சிவப்பிரகாசம், நேபாளத்திலிருந்து வெள்ளிக்கிழமை ஊா் திரும்பினாா்.

தொடா்ந்து சனிக்கிழமை காலை ஆலத்தூா் அரசு மேல்நிலைப் பள்ளி நிா்வாகம் மற்றும் பொதுமக்கள் சாா்பில் சிவப்பிரகாசத்துக்கு உற்சாக வரவேற்பு அளிக்கப்பட்டது. அப்போது சகமாணவா்கள் அவரைத் தூக்கி மகிழந்தனா்.