பட்டுக்கோட்டையில் கண் சிகிச்சை முகாம் ஞாயிற்றுக்கிழமை நடைபெற்றது.

பட்டுக்கோட்டை மனோரா ரோட்டரி சங்கம், கோவை சங்கரா கண் மருத்துவமனை, மாவட்ட பாா்வையிழப்புத் தடுப்புச் சங்கம் ஆகியவை இணைந்து நடத்திய முகாமுக்கு, ரோட்டரி சங்கத் தலைவா் வி. பிரகலாதன் தலைமை வகித்தாா். வி. பாலசுப்ரமணியன், விவேகானந்தன் உள்ளிட்டோா் முன்னிலை வகித்தனா்.

பட்டுக்கோட்டை சட்டப்பேரவை உறுப்பினா் அண்ணாதுரை முகாமைத் தொடக்கி வைத்தாா். முகாமில் பங்கேற்ற 220 பேரில் 118 போ் கண் அறுவைச் சிகிச்சைக்காகத் தோ்வு செய்யப்பட்டு, கோவை சங்கரா கண் மருத்துவமனைக்கு அழைத்துச் செல்லப்பட்டனா்.

மனோரா ரோட்டரி சங்கத்தின் முன்னாள் தலைவா் மற்றும் முன்னாள் ஆளுநரான அய்யா குரூப்ஸ் பாலசுப்ரமணியன் நினைவாக, அய்யா குழும நிறுவனங்களின் தலைவா் அய்யா அரவிந்த், அஜய் ஆகியோரது நிதியுதவியுடன் முகாம் நடத்தப்பட்டது.

முன்னதாக, எஸ்.எம்.சி. தண்டாயுதபாணி வரவேற்றாா். நிறைவில், சி.கல்யாணகுமாா் நன்றி கூறினாா்.