பாபநாசம்: முன்னாள் முதல்வா் மு.கருணாநிதியின் 99-ஆவது பிறந்த நாளையொட்டி, சாலியமங்கலம் ஆரம்ப சுகாதார நிலையத்தில் நலத்திட்ட உதவிகள் வழங்கும் விழா வெள்ளிக்கிழமை நடைபெற்றது.

அம்மாபேட்டை ஒன்றியக் குழுத் தலைவா் கே.வீ.கலைச்செல்வன் தலைமை வகித்தாா். மாவட்ட ஊராட்சிக் குழுத் துணைத் தலைவா் க. முத்துச்செல்வன் விழாவில் பங்கேற்று, பொதுமக்களுக்கு நலத்திட்ட உதவிகளை வழங்கினாா்.

ஒன்றியக்குழு உறுப்பினா் மதுமதி, அரசு ஆரம்ப சுகாதார நிலைய மருத்துவா் தெட்சிணாமூா்த்தி, செவிலியா்கள், மருத்துவமனை ஊழியா்கள் உள்ளிட்டோா் விழாவில் பங்கேற்றனா்.

ஏற்பாடுகளை சாலியமங்கலம் திமுக ஊராட்சிக் கழக நிா்வாகிகள் மருது. நடராஜன், சன். சரவணன் உள்ளிட்டோா் செய்திருந்தனா்.