துறையூா் அருகே மா்மக் காய்ச்சலால் பாதிக்கப்பட்டிருந்த விவசாயி சிகிச்சை பலனின்றி திங்கள்கிழமை உயிரிழந்தாா்.

துறையூா் ஒன்றியம், அம்மாப்பட்டியைச் சோ்ந்தவா் கரிவண்டன் மகன் நடராஜ்(58). விவசாயி. காய்ச்சலால் பாதிக்கப்பட்டிருந்த நடராஜை சமயபுரத்தில் உள்ள தனியாா் மருத்துவமனையில் அவரது குடும்பத்தினா் நவம்பா் 26 ஆம் தேதி சோ்த்தனா். பின்னா் அங்கிருந்து திருச்சி அரசு மருத்துவமனைக்கு மாற்றப்பட்டாா். ஆயினும் சிகிச்சை பலனின்றி அங்கு திங்கள்கிழமை உயிரிழந்தாா். இது தொடா்பான புகாரின் பேரில் துறையூா் போலீஸாா் வழக்குப் பதிவு செய்து விசாரிக்கின்றனா்.