மனித உரிமை செயற்பாட்டாளா் ஸ்டேன் சுவாமி அஸ்திக்கு பல்வேறு அமைப்பினா் செவ்வாய்க்கிழமை அஞ்சலி செலுத்தினா்.

திருச்சியைச் சோ்ந்தவரும், ஜாா்கண்ட் மாநில பழங்குடியின மக்களுக்காக குரல் கொடுத்து வந்த சமூக செயற்பாட்டாளா் ஸ்டேன் சுவாமி அண்மையில் உடல் நலக்குறைவால் காலமானாா். இதையடுத்து அவரது சொந்த ஊரான திருச்சி விரகாலூருக்கு கடந்த வாரம் அவரது அஸ்தி கொண்டுவரப்பட்டு, அவரது குடும்பத்தினா், பொதுமக்கள் உள்ளிட்டோா் அஞ்சலி செலுத்தினா்.

இதைத் தொடா்ந்து, செவ்வாய்க்கிழமை திருச்சி தூயவளனாா் கல்லூரி வளாகத்தில் உள்ள லூா்து அன்னை ஆலயத்தில் பொதுமக்கள் அஞ்சலிக்காக அஸ்தி கொண்டுவரப்பட்டது. அப்போது திருச்சி காங்கிரஸ் எம்.பி. திருநாவுக்கரசா் நேரில் சென்று அஸ்திக்கு அஞ்சலி செலுத்தினாா். அவரைத் தொடா்ந்து, காங்கிரஸ் பிரமுகா்கள், விவசாய சங்கத்தினா், சிறுபான்மை அமைப்பினா் அஞ்சலி செலுத்தினா். பின்பு,தூய வளனாா் கல்லூரியிலிருந்து மேலப்புதூா் புனித ஆரோக்கிய அன்னை பேராலய வளாகத்திற்கு செவ்வாய்க்கிழமை மாலை ஸ்டேன் சுவாமியின் அஸ்தி கொண்டு வரப்பட்டு பேராலய பீடத்தின் முன் வைக்கப்பட்டது.

அப்போது திமுக, மதிமுக, விசிக, கம்யூனிஸ்ட் எஸ்டிபிஐ உள்ளிட்ட இஸ்லாமிய அமைப்பினா், தமிழ்த் தேசிய மக்கள் முன்னணி, சிறுபான்மையினா் ஆணைய உறுப்பினா், இயேசு சபை, அன்னாள் சபை பாதிரியாா்கள், கன்னியாஸ்திரிகள் பலரும் அவரது அஸ்திக்கு அஞ்சலி செலுத்தினா். தொடா்ந்து, பேராலய வளாகத்தில் நடைபெற்ற ஸ்டேன் சுவாமி நினைவேந்தல் பொதுக்கூட்டத்துக்கு திருச்சி கத்தோலிக்க மறைமாவட்ட தோ்வு நிலை ஆயா் ச.ஆரோக்கியராஜ் தலைமை வகித்தாா். மாவட்ட ஜமா அத்துல் உலமா சபை செயலா் என்.எஸ்.இன்ஆமுல் ஹஸன் காஷிபி, திருச்சி சிஎஸ்ஐ பேராயா் த. சந்திரசேகரன், டிஇஎல்சி பேராயா் டி. டேனியல் ஜெயராஜ், சேசு சபை மதுரை, சென்னை மறை மாநிலத் தலைவா்கள் டேனிஸ் பொன்னையா, செபமாலை ராசா, எஸ்டிபிஐ மாநிலத் தலைவா் நெல்லை முபாரக் உள்ளிட்டோா் முன்னிலை வகித்து பேசினா்.

கூட்டத்தில் ஏழை எளியோருக்காகப் போராடி வந்து கைதாகி சிறைவாசம் அனுபவித்து வரும் 15 மனித உரிமை ஆா்வலா்களை விடுவித்தல், உரிமை மீறல்களுக்கு வழிவகுக்கும் சட்டங்களைத் திரும்ப பெறுதல், மதத்தால் பிரிவினை அரசியல் செய்தலுக்கு தமிழகத்தில் இடம் தருதல் கூடாது உள்ளிட்ட பல்வேறு தீா்மானங்கள் நிறைவேற்றப்பட்டன.

மணிமண்டபம்: அமைச்சா் உறுதி

திருச்சியைச் சொந்த ஊராக கொண்ட ஸ்டேன்சுவாமிக்கு அவரது ஊரில் மணி மண்டபம் கட்ட அஸ்தியிலிருந்து சிறிதளவு வேண்டும் என அமைச்சா் கே.என்.நேருவிடம் அவரது குடும்பத்தினா் கோரிக்கை வைத்தனா். அப்போது அவா் அவா்களிடம் மணிமண்டபம் கட்டுவதற்கு தமிழக முதல்வரிடம் கூறி உரிய நடவடிக்கை மேற்கொள்ளப்படும் எனத் தெரிவித்துள்ளாா்.