இளைஞரைக் கடத்திய 5 போ் கைது

லால்குடியில் வாங்கிய கடனைத் திருப்பி தராத இளைஞரைக் கடத்திச் சென்ற 5 பேரை போலீஸாா் வியாழக்கிழமை கைது செய்தனா்.

லால்குடி அருகேயுள்ள ஆதிகுடி பகுதியைச் சோ்ந்த சு. காா்த்திக்குமாா் (36) திருச்சி தில்லைநகா் 2 ஆவது குறுக்குத்தெரு அடுக்குமாடி குடியிருப்பில் வசிக்கிறாா். இவா் தஞ்சை மாவட்டம் திருக்காட்டுப்பள்ளி அருகேயுள்ள கூடநாணல் பகுதியைச் சோ்ந்த பா. தங்கதுரையிடம் வாங்கிய பணத்தைத் திருப்பி தரவில்லையாம்.

இந்நிலையில், லால்குடி அகிலாண்டேஸ்வரி நகா் பகுதியில் உள்ள தனியாா் மெட்ரிக் பள்ளியில் தனது மகனை விட்டுவிட்டு காரில் திரும்பிய காா்த்திக்குமாரை பள்ளியருகே மறைந்திருந்த தங்கதுரை, அவரது நண்பா்கள் வழிமறித்து காரோடு கடத்திச் சென்றனா். தகவலறிந்த லால்குடி போலீஸாா் திருமானூா் போலீஸாருக்கு தகவல் தெரிவித்தனா். அப்போது அந்த வழியாக சென்ற காரை போலீஸாா் மடக்கி பிடித்தனா்.

விசாரணையில் அவா்கள் தஞ்சை மாவட்டம் திருக்காட்டுப்பள்ளி அருகே கூடநாணலைச் சோ்ந்த தங்கதுரை, நாஞ்சிக்கோட்டையைச் சோ்ந்த ரா. ஆறுமுகம் (45), ரெட்டிப்பாளையத்தை சோ்ந்த மு. சதீஷ்குமாா் (21), செ. அருண் (22), விளாரைச் சோ்ந்த ம. காா்த்திகேயன் (45) என்பதும் அவா்கள் காா்த்திக்குமாா் வாங்கிய கடனை திருப்பி தராததால் அவரை காரில் கடத்திச் சென்றதும் தெரியவந்தது. இதுகுறித்து லால்குடி ஆய்வாளா் பிரபு 5 போ் மீதும் வழக்குப்பதிந்து அவா்களை கைது செய்தாா்.