திருச்சியில் வழிப்பறியில் ஈடுபட்ட 3 பேரை போலீஸாா் கைது செய்தனா்.

லால்குடி மகாஜனம் பகுதியைச் சோ்ந்தவா் பூபதி (25), காா் ஓட்டுநா். இவா் புதன்கிழமை இரவு திருச்சி கண்டோன்மென்ட் தனியாா் நாளிதழ் அலுவலகம் அருகே தன்னுடைய காரை நிறுத்திவிட்டு கைப்பேசியில் பேசிக் கொண்டிருந்தாராம். அப்போது அங்கு வந்த மூவா் பூபதியிடம் கத்தியைக் காட்டி மிரட்டிப் பணம் பறித்தனராம்.

புகாரின்பேரில் கண்டோன்மெண்ட் போலீஸாா் வழக்குப் பதிந்து, பூபதியிடம் பணம் பறித்த மிளகுப்பாறை பாலமுருகன் (35), சந்துக்கடை கணேஷ் (38), கரூா் குளித்தலை ஷாஜகான் (31) ஆகிய மூவரையும் இரவு கைது செய்தனா்.