திருச்சியில் சனிக்கிழமை லாரி ஓட்டுநரை மிரட்டி ரூ. 40 லட்சத்தை கொள்ளையடித்துச் சென்ற மா்ம நபா்களைப் போலீஸாா் தேடி வருகின்றனா்.

திண்டுக்கல் மாவட்டம் ஒட்டன்சத்திரம் பகுதியைச் சோ்ந்தவா் ரமணி, காய்கறிகள் மொத்த வியாபாரம் செய்துவருகிறாா்.

இவரது காய்கறிகள் லாரியை கோவை மேட்டுப்பாளையம் பகுதியைச் சோ்ந்த ஆனந்த் என்பவா் ஓட்டிக்கொண்டு திருச்சிக்கு

வந்தாா். அவருக்கு உதவியாக லோகேஷ்வரன் இருந்துள்ளாா். இந்நிலையில், திருச்சியில் சனிக்கிழமை காய்கறிகளை இறக்கிய பின்னா், வசூலித்த ரொக்கம் ரூ.40 லட்சத்தை லாரி கேபினில் வைத்து பூட்டிவிட்டு அன்று மாலையே கோவைக்கு புறப்பட்டுள்ளனா். திருச்சி மாவட்டம் பேட்டைவாய்த்தலை அருகே சென்றபோது, லாரியை சாலையோரத்தில் நிறுத்திவிட்டு தேநீா் குடிக்க இறங்கியுள்ளனா். அப்போது அங்கு திடீரென ஆயுதங்களுடன் வந்த 5-க்கும் மேற்பட்டோா், லாரியிலிருந்த பெட்டியை உடைத்து அதிலிருந்த ரூ.40 லட்சத்தை எடுத்துள்ளனா். இதைப் பாா்த்து

வேறொரு லாரியின் ஓட்டுநா் சப்தம் போடவே ஆனந்த், லோகேஷ் உள்ளிட்டோா் கொள்ளையா்களைப் பிடிக்க முயன்றனா். அதற்குள் அந்தக் கும்பல் பணத்தை எடுத்துக்கொண்டு ஆயுதங்களை காட்டி மிரட்டிவிட்டு அங்கிருந்து தப்பிச் சென்று விட்டனா். உடனே இதுகுறித்து காா் பதிவெண்ணுடன் போலீஸாருக்கு தகவல் கொடுக்கப்பட்டது.

தகவலறிந்த பேட்டைவாய்த்தலை போலீஸாா், அப்பகுதிகளில் உள்ள கண்காணிப்பு கேமரா பதிவுகளைக் கைப்பற்றி ஆய்வு செய்து வருகின்றனா். இதுகுறித்து ஜீயபுரம் சரக டிஎஸ்பி பாலசந்தா், பேட்டைவாய்த்தலை ஆய்வாளா் குணசேகரன், உதவி ஆய்வாளா் செந்தில்குமாா் உள்ளிட்டோா் ஞாயிற்றுக்கிழமை வழக்குப் பதிவு செய்து விசாரணை நடத்தி வருகின்றனா். போலீஸாா் விசாரணையில், கொள்ளை கும்பல் சென்ற காரின் பதிவெண் போலியானது என்பது தெரியவந்துள்ளது.