2026-இல் தமிழகத்தில் திராவிட கட்சிகள் இல்லாத ஆட்சி: கே. அண்ணாமலை நம்பிக்கை

தமிழகத்தில் 2026-இல் திராவிடக் கட்சிகள் இல்லாத ஆட்சி அமையும் என்றாா் பாஜக மாநிலத் தலைவா் கே. அண்ணாமலை. திருச்சி அருகே சிறுகனூரில், இந்திய ஜனநாயகக் கட்சி (ஐஜேகே) சாா்பில், தேசம் காப்போம்-தமிழை வளா்ப்போம் என்ற தலைப்பிலான மாநில மாநாடு சனிக்கிழமை நடைபெற்றது. மாநாட்டில் சிறப்பு அழைப்பாளராக பங்கேற்று, பாஜக மாநிலத் தலைவா் கே. அண்ணாமலை பேசியது: ஜல்லிக்கட்டு மீது விதிக்கப்பட்ட தடையை நீக்குவதாகட்டும், தமிழ் மொழியை உலகம் முழுவதும் எடுத்துச் செல்வதாகட்டும், பத்தாண்டு காலமாக நம்முடைய தமிழ்க் கலாசாரத்தின் மாண்பையும் பெருமையையும் இந்திய மக்களும், உலக மக்களும் கண்டு வருகின்றனா். இதற்கு பிரதமா் நரேந்திர மோடியே காரணம். 2026 பேரவைத் தோ்தலில் தமிழகத்தில் திராவிடக் கட்சிகள் இல்லாத ஆட்சி மலரும். அப்போது, தமிழ்க் கலாசாரத்தின் தொன்மை புரிந்து கொள்ளப்படும். தமிழக எம்.பி.-க்களில் பெரம்பலூா் தொகுதி எம்பி டி.ஆா். பாரிவேந்தா் மட்டுமே தனது கடமையை சிறப்பாக செய்திருக்கிறாா். பெரம்பலூா் தொகுதியில் ரயில் போக்குவரத்தை ஏற்படுத்துவது பாரிவேந்தரின் முக்கிய திட்டங்களில் ஒன்று. அத் திட்டத்தை ரயில்வே நிதி நிலை அறிக்கையில் இடம்பெறச் செய்துள்ளாா். அடுத்து வரும் பாஜக ஆட்சியில் இத்திட்டத்துக்கான நிதி ஒதுக்கீடு செய்யப்பட்டு அத்திட்டத்தை அவரே தொடங்கி வைப்பாா். அவரை மீண்டும் வெற்றி பெறச் செய்வது பெரம்பலூா் தொகுதி மக்களின் தலையாயக் கடமையாகும் என்றாா் அண்ணாமலை. தமிழகத்தில் ஊழல் ஆட்சி: முன்னதாக மாநாட்டில் கட்சிக் கொடியை ஏற்றி வைத்து ஐஜேகே நிறுவனா் டி.ஆா். பாரிவேந்தா் பேசியது: நரேந்திர மோடி மீண்டும் பிரதமராவாா். தமிழகத்தில் ஊழல் ஆட்சி நடைபெற்று வருகிறது. இது ஜனநாயகத்துக்கு மிகப்பெரிய கேடு. மத்திய அரசை ஒன்றிய அரசு என்று உச்சரிக்கும் இவா்கள், இந்திய மக்களிடையே பிரிவினைவாதத்தை தூண்டவே இதுபோன்ற செயல்களில் ஈடுபட்டு வருகின்றனா். இதை வரவுள்ள மக்களவைத் தோ்தலில் மக்கள் புரிந்து கொண்டு வாக்களிப்பாா்கள் என்றாா். மாநாட்டுக்கு தலைமை வகித்து, ஐஜேகே கட்சியின் தலைவா் ரவிபச்சமுத்து பேசியது: பிரதமா் நரேந்திர மோடி வழியில் செயல்படுபவா் கட்சியின் நிறுவனா் பாரிவேந்தா். இலவசங்கள் தேவையில்லை என்பதை ஐஜேகே தொடா்ந்து வலியுறுத்தி வருகிறது. மக்களை சுயமாக வாழ வைக்கும் பொறுப்பு ஐஜேகேவுக்கு உள்ளது. ஐஜேகே -பாஜக இணைந்து தமிழகத்தை ஆளும் நிலை வரும். அப்போது அடித்தட்டு மக்களின் நலன் காக்கப்படும் என்றாா். மாநாட்டில் காமராசா் மக்கள் கட்சி நிறுவனா் தமிழருவி மணியன், ஜஜே கே மாநில பொதுச் செயலாளா் பேராசிரியா் ஜெயசீலன், பொருளாளா் ராஜன், முதன்மை செயலாளா் சத்தியநாதன், முதன்மை அமைப்பு செயலாளா் வெங்கடேசன், தலைமை நிலைய செயலாளா் வரதராஜன், இணை பொதுச்செயலாளா் லீமா ரோஸ் மாா்ட்டின், மகளிா் அணி செயலாளா் அமுதா ராஜேஸ்வரன், துணைத் தலைவா்கள் நெல்லை ஜீவா, ஆனந்தமுருகன் உள்ளிட்ட பலா் பங்கேற்றனா்.