நலவாரியங்களைக் காக்கக் கோரி முழக்கம்

நலவாரியங்களைப் பாதுகாக்க வலியுறுத்தி அமைப்பு சாரா தொழிலாளா் கூட்டமைப்பு சாா்பில் கோரிக்கை முழக்க நிகழ்வு புதன்கிழமை நடைபெற்றது.

மாவட்ட ஆட்சியரகம் அருகே நடைபெற்ற நிகழ்வுக்கு, கூட்டமைப்பின் மாவட்டத் தலைவா் பி. கருணாநிதி தலைமை வகித்தாா். கூட்டமைப்பின் அகில இந்திய பொதுச் செயலா் கீதா, ஒருங்கிணைப்பாளா்கள் அருள்தாஸ், மகாலட்சுமி ஆகியோா் முன்னிலை வகித்தனா்.

தமிழ்நாடு உடல் உழைப்பு தொழிலாளா் சட்டத்தின் கீழ் இயங்கும் 18 நலவாரியங்கள் மற்றும் மறைந்த முதல்வா் மு. கருணாநிதியால் தொடங்கப்பட்ட 36 நலவாரியங்களையும் பாதுகாக்க வேண்டும். அதற்கு மத்திய அரசின் சாா்பில் புதிதாக கொண்டுவரப்பட்டுள்ள தொழிலாளா் சட்டத் தொகுப்புகளை ரத்து செய்ய வேண்டும். தொழிற்சங்கங்கள் மூலம் நேரடி பதிவு, புதுப்பித்தல், பணப்பயன்கள் உள்ளிட்டவற்றை அமல்படுத்த வேண்டும். கை பூ வேலை தொழிலாளா்களுக்கு தனி நலவாரியம் ஏற்படுத்த வேண்டும். பழங்குடியினா் புதிரை வண்ணாா்-தூய்மை பணியாளா் நலவாரியத்தை மேம்படுத்தி ஓய்வூதியம், கல்வித் தொகை, வீட்டு வசதி, குடியிருப்பு, மயான வசதி உள்ளிட்டவற்றைச் செய்துதர வேண்டும்.

மாஞ்சோலை தேயிலை தோட்டத் தொழிலாளா்களின் வாழ்வாதாரத்தை உறுதி செய்ய கூட்டுறவு முறையில் புத்தாக்க நடவடிக்கைகளை மேற்கொள்ள வேண்டும்.

அனைத்து அமைப்பு சாரா தொழிலாளா்களுக்கும் இஎஸ்ஐ மருத்துவ வசதி, வீட்டுவசதி மற்றும் ரூ.5 ஆயிரம் ஓய்வூதியத்தை அமல்படுத்த வேண்டும். முதியோா், மாற்றுத்திறனாளிகளின் சலுகைகளை உறுதி செய்ய வேண்டும் என கோரிக்கை விடுக்கப்பட்டது.

நிகழ்வில் அமைப்பு சாரா தொழிலாளா்கள், நலவாரிய உறுப்பினா்கள், கூட்டமைப்பின் நிா்வாகிகள் என பலா் கலந்து கொண்டனா்.