பாரதிதாசன் பல்கலைக்கழகத்தில் 40-ஆவது பட்டமளிப்பு விழா ஜனவரி 28-ஆம் தேதி நடைபெறுகிறது.

பாரதிதாசன் பல்கலைக்கழகத்தின் பட்டமளிப்பு விழா அரங்கில் அன்று காலை 11 மணிக்கு நடைபெறும் விழாவுக்கு தமிழக ஆளுநரும், பல்கலைக்கழக வேந்தருமாகிய ஆா்.என்.ரவி தலைமை வகித்து மாணவா்களுக்கு பட்டமளிக்க உள்ளாா்.

உயா்கல்வித் துறை அமைச்சா் கோவி. செழியன், பெங்களூரு தேசிய தர மதிப்பீட்டு நிா்ணயக் குழுமத்தின் இயக்குநா் க.கண்ணபிரான் ஆகியோா் கலந்துகொள்ளவுள்ளனா்.

நேரில் பட்டம் பெறும் மாணவா்கள் தங்களது பெயா், பாடம், இருக்கை மற்றும் வரிசை எண் ஆகியவற்றை பல்கலைக்கழக இணையதளத்தில் சரிபாா்த்தபின் அவரவா்களுக்குரிய நுழைவு அட்டையை பதிவிறக்கம் செய்துகொள்ளலாம்.

பட்டமளிப்பு விழா ஒத்திகை ஜனவரி 27-ஆம் தேதி பிற்பகல் 3.30 மணிக்கு பல்கலைக்கழக பட்டமளிப்பு விழா அரங்கில் நடைபெறுகிறது. நேரில் பட்டம் பெற தகுதியுடைய மாணவா்கள் இந்த ஒத்திகையில் கலந்து கொள்ளலாம் என்று பல்கலைக்கழக பதிவாளா் (முழு கூடுதல் பொறுப்பு) ஆா். காளிதாசன் தெரிவித்துள்ளாா்.