கடலூர் மாவட்டத்தில் அதிகபட்சமாக வேப்பூரில் 137 மி.மீ. மழை பதிவாகியுள்ளது.
 மாவட்டத்தில் புதன்கிழமை இரவு இடியுடன் மழை பெய்தது. குறிப்பாக திட்டக்குடி மற்றும் சுற்றுவட்டாரப் பகுதிகளில் பலத்த சூறைக் காற்றுடன் மழை பெய்தது. வியாழக்கிழமை காலை 8.30 மணி வரையிலான 24 மணி நேரத்தில் மாவட்டத்தில் அதிகபட்சமாக வேப்பூரில் 137 மி.மீ. மழை பதிவானது.
 மற்ற பகுதிகளில் பெய்த மழையளவு விவரம் (மில்லி மீட்டரில்) வருமாறு: மேல்மாத்தூர் 90, வானமாதேவி 63.40, கீழச்செருவாய் 52, காட்டுமயிலூர் 50, லக்கூர் 33.30, பண்ருட்டி 33, விருத்தாசலம் 19, குப்பநத்தம் 18.60, கடலூர் 16.40, பெலாந்துறை 15, தொழுதூர் 14, கொத்தவாச்சேரி 6, பரங்கிப்பேட்டை 3.