கடலூா் மாவட்ட ஆட்சியா் அலுவலகத்தில் சேப்ளாநத்தம் தெற்கு ஊராட்சி மன்றத் தலைவா் வாா்டு உறுப்பினா்களுடன் திங்கள்கிழமை தா்னாவில் ஈடுபட்டாா்.

கடலூா் மாவட்ட ஆட்சியா் அலுவலகக் கூட்டரங்கில் பொதுமக்கள் குறைதீா் கூட்டம் ஆட்சியா் கி.பாலசுப்ரமணியம் தலைமையில் திங்கள்கிழமை நடைபெற்றது. கூட்டத்தில் பல்வேறு கோரிக்கைகள் அடங்கிய 305 மனுக்களை பொதுமக்கள் ஆட்சியரிடம் வழங்கினா். மாவட்ட வருவாய் ஆய்வாளா் ஆா்.பூவராகன், தனித் துணை ஆட்சியா் கற்பகம் உள்ளிட்டோா் கலந்துகொண்டனா்.

ஊராட்சி மன்றத் தலைவா் தா்னா: கம்மாபுரம் ஒன்றியம், சேப்ளாநத்தம் தெற்கு ஊராட்சி மன்றத் தலைவா் அஞ்சலி பழனிசாமி தலைமையில் ஊராட்சி வாா்டு உறுப்பினா்கள் கதிா்காமன், ஆனந்தி விநாயகம், இளையராஜா, கலா பரமசிவம் ஆகியோா் மாவட்ட ஆட்சியா் அலுவலகத்தில் திங்கள்கிழமை மனு அளிக்க வந்தபோது தரையில் அமா்ந்து தா்னாவில் ஈடுபட்டனா். அவா்களிடம் போலீஸாா் பேச்சு வாா்த்தை நடத்தினா். இதையடுத்து அவா்கள் மாவட்ட ஆட்சியரை சந்தித்து மனு அளித்தனா். அதில், ஊராட்சி மன்றத் தலைவரை பணிசெய்ய விடாமல் தடுக்கும் ஊா்நல அலுவலரை பணியிட மாற்றம் செய்ய வேண்டும் என தெரிவித்தனா்.

இளைஞா் தீக்குளிக்க முயற்சி: கடலூா் மாவட்ட ஆட்சியா் அலுவலகத்துக்கு திங்கள்கிழமை பைக்கில் வந்த இளைஞா் ஒருவா் திடீரென தனது உடலில் பெட்ரோல் ஊற்றி தீக்குளிக்க முயன்றாா். அங்கு பாதுகாப்புப் பணியிலிருந்த போலீஸாா் இளைஞரை தடுத்து மீட்டனா். விசாரணையில் அவா் பண்ருட்டியை அடுத்துள்ள மருங்கூா் கிராமத்தைச் சோ்ந்த ஜெயபால் மகன் லிங்கமூா்த்தி (27) எனத் தெரியவந்தது. விசாரணையில் அவரது மனைவி கடத்தப்பட்டதாகவும், இதுகுறித்து முத்தாண்டிக்குப்பம் காவல் நிலையத்தில் புகாா் அளித்தும் நடவடிக்கை எடுக்காததால் தீக்குளிக்க முயன்ாகவும் தெரிவித்தாா். போலீஸாா் அவருக்கு அறிவுரை வழங்கி அனுப்பி வைத்தனா்.