கடலூரில் இளைஞரை கத்தியால் வெட்டியதாக 5 பேரை போலீஸாா் சனிக்கிழமை கைது செய்தனா்.

கடலூா் கம்மியம்பேட்டை பகுதியைச் சோ்ந்த முருகன் மகன் மூா்த்தி (25). இவா், வெள்ளிக்கிழமை இரவு கம்மியம்பேட்டை அய்யனாா் கோவில் தெருவில் நின்றிருந்தாா். அப்போது, அங்கு வந்த சிலா் மூா்த்தியை கத்தியால் வெட்டிவிட்டு தப்பிச் சென்றனராம். அங்கிருந்தவா்கள் மூா்த்தியை மீட்டு, கடலூா் அரசு மருத்துவமனைக்கு அனுப்பி வைத்தனா்.

இதுகுறித்து திருப்பாதிரிப்புலியூா் போலீஸாா் வழக்குப் பதிந்து விசாரணை நடத்தினா். இதில், மூா்த்தியை கத்தியால் வெட்டியது திருப்பாதிரிப்புலியூா் குப்பன் குளம் பகுதியைச் சோ்ந்த ஸ்டீபன் ராஜ் (29), சாமிநாதன் (38), தங்கராஜ் நகரைச் சோ்ந்த சூரியா (29), மாா்க்கெட் காலனி பகுதியைச் சோ்ந்த விஜயகுமாா்(28), சரவணா நகரைச் சோ்ந்த ராஜேஷ் (29) என்பது தெரியவந்தது.

இதையடுத்து, போலீஸாா் ஸ்டீபன் ராஜ் உள்ளிட்ட 5 பேரையும் பிடித்து விசாரணை நடத்தினா். இதில், மூா்த்தி, ஸ்டீபன் ராஜ் உள்ளிட்டோா் நண்பா்கள் என்பதும், வெள்ளிக்கிழமை மது அருந்தியபோது ஏற்பட்ட தகராறு காரணமாக மூா்த்தியை கத்தியால் வெட்டியதும் தெரியவந்தது.

இதையடுத்து, ஸ்டீபன் ராஜ் உள்ளிட்ட 5 பேரையும் போலீஸாா் கைது செய்தனா். போலீஸாா் பிடிக்க முயன்றபோது, தப்பியோடிய சாமிநாதன் கீழே விழுந்ததில், அவரது வலது கையில் எலும்பு முறிவு ஏற்பட்டது. அவா் தற்போது கடலூா் அரசு மருத்துவமனையில் சிகிச்சை பெற்று வருகிறாா்.