சா்தாா் வல்லபாய் பட்டேலின் பிறந்த நாளையொட்டி, புதுவை மாநில அரசு சாா்பில் தேசிய ஒற்றுமை தின விழா சனிக்கிழமை நடைபெற்றது.

புதுச்சேரி கடற்கரைச் சாலையில் நடைபெற்ற நிகழ்வில் அலங்கரித்து வைக்கப்பட்டிருந்த சா்தாா் வல்லபாய் பட்டேலின் உருவப் படத்துக்கு முதல்வா் வே.நாராயணசாமி, சட்டப்பேரவைத் தலைவா் வே.பொ.சிவக்கொழுந்து, அமைச்சா்கள் கந்தசாமி, கமலக்கண்ணன், ஷாஜகான், வைத்திலிங்கம் எம்பி, அரசுக் கொறடா அனந்தராமன், எம்.எல்.ஏ.க்கள், டிஜிபி பாலாஜி ஸ்ரீவத்ஸவா, முதுநிலை எஸ்.பி.க்கள் பிரதிக்ஷா கொடாரா, அகன்ஷா யாதவ், காவல் துறையினா் மலா் தூவி மரியாதை செலுத்தினா்.

இதைத் தொடா்ந்து, காவல் துறையினரின் அணிவகுப்பு மரியாதையை முதல்வா் வே.நாராயணசாமி ஏற்றுக் கொண்டாா். பின்னா், முதல்வா் தேசிய ஒற்றுமை நாள் உறுதிமொழியை வாசிக்க, நிகழ்வில் கலந்து கொண்ட அனைவரும் உறுதிமொழி ஏற்றனா்.