விழுப்புரம் மாவட்டத்தில் பல்வேறு காவல் நிலையங்களில் பணியாற்றி வந்த 8 சிறப்பு உதவி ஆய்வாளா்கள் உள்பட 89 போலீஸாா் வெள்ளிக்கிழமை பணியிட மாற்றம் செய்யப்பட்டனா்.

விழுப்புரம் மாவட்ட காவல் துறையில் நெடுஞ்சாலை ரோந்துப் பிரிவில் பணியாற்றிய வந்த சிறப்பு உதவி ஆய்வாளா்கள் சங்கா், விக்கிரவாண்டி காவல் நிலையத்துக்கும், மனோகரன் பெண்கள் மற்றும் குழந்தைகளுக்கு எதிரான குற்றங்கள் தடுப்புப் பிரிவுக்கும், பன்னீா்செல்வம் காணை காவல் நிலையத்துக்கும், குமரசெல்வம் அவலூா்பேட்டை காவல் நிலையத்துக்கும் பணியிட மாற்றம் செய்து எஸ்பி ஜெயக்குமாா் உத்தரவிட்டாா். மேலும், இதேபோல மாவட்டம் முழுவதும் பல்வேறு காவல் நிலையங்களில், நெடுஞ்சாலை ரோந்துப் பிரிவில் பணியாற்றி வந்த 89 போலீஸாரை பணியிட மாற்றம் செய்து எஸ்பி ஜெயக்குமாா் உத்தரவிட்டாா்.