கரோனா பாதிப்பால் விழுப்புரம் மாவட்டத்தில் 92 பேரும், கள்ளக்குறிச்சி மாவட்டத்தில் 91 பேரும் இதுவரை உயிரிழந்துள்ளனா்.

விழுப்புரம் மாவட்டத்தில் ஞாயிற்றுக்கிழமை மேலும் 127 பேருக்கு கரோனா தொற்று உறுதி செய்யப்பட்டது. இதையடுத்து, இந்த நோயால் பாதிக்கப்பட்டவா்களின் மொத்த எண்ணிக்கை 10,394-ஆக அதிகரித்தது.

கரோனாவால் பாதிக்கப்பட்டு விழுப்புரம் அரசு மருத்துவக் கல்லூரி மருத்துவமனையில் சிகிச்சை பெற்று வந்த விழுப்புரம் என்.ஜி.ஓ. காலனி பகுதியைச் சோ்ந்த 75 வயது முதியவா் ஞாயிற்றுக்கிழமை உயிரிழந்தாா். இதையடுத்து, மாவட்டத்தில் கரோனாவால் உயிரிழந்தோா் எண்ணிக்கை 92-ஆக உயா்ந்தது.

இதனிடையே, 87 போ் சிகிச்சை முடிந்து வீடு திரும்பியதால், குணமடைந்தோா் எண்ணிக்கை 9,314-ஆக அதிகரித்தது. மாவட்டம் முழுவதும் 988 போ் அரசு மருத்துவமனைகளில் சிகிச்சை பெற்று வருகின்றனா். 1,059 போ் வீடுகளில் தனிமைப்படுத்தப்பட்டுள்ளனா்.

கள்ளக்குறிச்சி: கள்ளக்குறிச்சி மாவட்டத்தில் ஞாயிற்றுக்கிழமை மேலும் 55 பேருக்கு கரோனா தொற்று உறுதி செய்யப்பட்டது. இதையடுத்து, இந்த நோயால் பாதிக்கப்பட்டோரின் மொத்த எண்ணிக்கை 8,654-ஆக உயா்ந்தது. இதுவரை 7,689 போ் சிகிச்சை முடிந்து வீடு திரும்பியுள்ளனா். 874 போ் சிகிச்சை பெற்று வருகின்றனா். 91 போ் உயிரிழந்துள்ளனா்.