உங்களுக்கு தனுசு லக்னம். லக்னாதிபதியான குருபகவான் பூர்வபுண்ணிய புத்திர ஸ்தானத்தில் அமர்ந்து சந்திரபகவானை நேர் பார்வை செய்வதால் முழுமையான கஜகேசரி யோகம் உண்டாகிறது. தர்மகர்மாதிபதியான புத ஆதித்யர்கள் சுபர் சாரம் பெற்று பலமுடன் இருப்பது சிறப்பு. மேலும் குருபகவானின் தசையில் பிற்பகுதி நடப்பதால் இன்னும் இரண்டாண்டுக்குள் நிதி சம்பந்தமான அரசு உத்தியோகம் கிடைக்கும். இந்த காலகட்டத்தில் உடல்நலமும் சீராகி விடும். உங்கள் கணவருக்கும் மேன்மை உண்டாகத் தொடங்கும். எதிர்காலம் சிறப்பாக அமையும்.