உங்கள் மகனுக்கு மிதுன லக்னம், மகர ராசி. களத்திர ஸ்தானாதிபதியான குருபகவான் களத்திர ஸ்தானத்திலேயே ஆட்சி பெற்று லாபாதிபதியுடன் இணைந்து குருமங்கள யோகத்தைக் கொடுக்கிறார். பூர்வபுண்ணிய ஸ்தானத்தில் பாக்கியாதிபதி உச்சம் பெற்று நீச்சம் பெற்ற தைரிய ஸ்தானாதிபதிக்கு நீச்சபங்க ராஜயோகத்தைக் கொடுக்கிறார். தற்சமயம் களத்திர ஸ்தானாதிபதியின் தசையில் பாக்கியாதிபதியின் புக்தி நடக்கிறது. அடுத்த ஆண்டு அக்டோபர் மாதத்திற்குள் திருமணம் கைகூடும். செய்தொழிலிலும் வளர்ச்சி உண்டாகும். மற்றபடி நீங்கள் செய்துள்ள பரிகாரங்கள் போதுமானது. எதிர்காலம் சிறப்பாக அமையும். பிரதி புதன் மற்றும் வெள்ளிக்கிழமைகளில்பெருமாளையும் தாயாரையும் வழிபட்டு வரவும்.