உங்கள் மகனுக்கு மிதுன லக்னம், தனுசு ராசி. களத்திர ஸ்தானாதிபதி கேந்திராதிபத்ய தோஷம் நீங்கப் பெற்று சுக ஸ்தானத்தில் பாக்கியாதிபதியுடன் இணைந்திருப்பது சிறப்பு. அதோடு புத்திர ஸ்தானாதிபதி லாப ஸ்தானத்தில் அமர்ந்து பூர்வபுண்ணிய புத்திர ஸ்தானத்தைப் பார்வை செய்கிறார். தற்சமயம் லக்ன சுபரான ராகுபகவானின் தசை நடக்கிறது. அவருக்கு இந்த ஆண்டு இறுதிக்குள் படித்த களத்திர ஸ்தானாதிபதிக்கு ஏற்ற சமதோஷமுள்ள பெண் அமைந்து திருமணம் கைகூடும். இன்னும் இரண்டாண்டுகளுக்குள் சொத்து சம்பந்தமான பிரச்னை தீர்ந்து நிலம் உங்கள் கை வந்து சேரும். பிரதி செவ்வாய்க்கிழமைகளில் துர்க்கையை வழிபட்டு வரவும்.