உங்கள் மகனுக்கு விருச்சிக லக்னம், கடக ராசி, ஆயில்ய நட்சத்திரம். லக்னாதிபதி லக்னத்தில் ஆட்சி பெற்று ருசக யோகத்தைப் பெற்று குருபகவானுடன் இணைந்திருக்கிறார். இதனால் குருமங்கள யோகம் உண்டாகிறது. குருபகவானின் பார்வை பூர்வபுண்ணியம், களத்திரம் மற்றும் பாக்கிய ஸ்தானத்தையும் அங்கு அமர்ந்திருக்கும் பாக்கியாதிபதியையும் பார்வை செய்கிறார். இதனால் குருசந்திர யோகம் உண்டாகிறது. மேலும் பௌர்ணமி யோகம், புதஆதித்ய யோகம், நீச்சபங்க ராஜயோகம் ஆகிய சிறப்பான யோகங்கள் உள்ளன. தற்சமயம் பாக்கியாதிபதியான சந்திரபகவானின் தசையில் பிற்பகுதி நடப்பதாலும் தொடர்வதும் லக்னாதிபதியின் தசையாக உள்ளதாலும் எதிர்காலம், உடல், ஆரோக்கியம் இரண்டும் சிறப்பாக அமையும். வருமானமும் சீராக கிடைக்கும். தினமும் அவருக்காக முடிந்தவரை "நமசிவாய' மந்திரத்தை ஜபித்து வரவும். எதிர்காலம் சிறப்பாகவே செல்லும்.