உங்கள் மகனுக்கு விருச்சிக லக்னம், விருச்சிக ராசி. பாக்கிய ஸ்தானமும் அயன ஸ்தானமும் வலுவாக உள்ளதால் தொடர்ந்து வெளிநாட்டில் வேலை செய்வார். புத்திர ஸ்தானாதிபதியான குருபகவான் அஷ்டம ஸ்தானத்தில் புத ஆதித்யர்களுடன் இணைந்திருக்கிறார். குருபகவானின் பார்வை சுகாதிபதியின் மீதும் படிகிறது. இதனால் புத்திர பாக்கியத்திற்குக் குறைவு வராது. களத்திர ஸ்தானாதிபதி லக்னாதிபதியுடன் பாக்கிய ஸ்தானத்தில் இணைந்து இருக்கிறார். தற்சமயம் களத்திர ஸ்தானாதிபதியான சுக்கிரபகவானின் தசையில் முற்பகுதி முடியப்போகின்றது. அவருக்கு இன்னும் ஒன்றரை ஆண்டுக்குள் படித்த பெண் அயல் நாட்டில் அமைந்து திருமணம் கைகூடும். மற்றபடி வலுவான ஜாதகம் என்று கூறலாம். எதிர்காலம் சிறப்பாக அமையும். பிரதி வெள்ளிக்கிழமைகளில் பெருமாளையும் தாயாரையும் வழிபட்டு வரவும்.