உங்கள் மகனுக்கு சிம்ம லக்னம், சிம்ம ராசி. களத்திர நட்பு ஸ்தானாதிபதியான சனிபகவான் பூர்வபுண்ணிய ஸ்தானத்தில் அமர்ந்து குருபகவானால் பார்க்கப்படுகிறார். லக்னாதிபதி லக்னத்தில் ஆட்சி பெற்று அமர்ந்து சுக பாக்கியாதிபதியான செவ்வாய்பகவானுடன் இணைந்திருக்கிறார். தற்சமயம் ராகுபகவானின் தசையில் குருபகவானின் புக்தி நடக்கத் தொடங்கியுள்ளதால் இன்னும் ஓராண்டுக்குள் படித்த பெண் வடகிழக்கு திசையிலிருந்து உறவில் அமைந்து திருமணம் கைகூடும். அரசு அல்லது அரசு சார்ந்த துறைகளில் உத்தியோகம் அமையும். பிரதி செவ்வாய்க்கிழமைகளில் துர்க்கையையும் முருகப்பெருமானையும் வழிபட்டு வரவும்.