உங்கள் இரண்டாம் மகனுக்கு தனுசு லக்னம், தனுசு ராசி. களத்திர, நட்பு ஸ்தானமான ஏழாம் வீட்டிற்கும், பத்தாம் வீடான தொழில் ஸ்தானத்திற்கும் அதிபதியான புதபகவான் ஏழாம் வீட்டில் ஆட்சி பெற்று அமர்ந்திருப்பது சிறப்பு. பாக்கிய ஸ்தானத்தில் லக்னாதிபதி மற்றும் பூர்வபுண்ணியாதிபதி, குடும்பாதிபதியுடன் இணைந்திருப்பது சிறப்பு. அதோடு குருபகவானின் பார்வை லக்னத்தின் மீதும் சந்திரபகவானின் மீதும் படிகிறது. குருசந்திர யோகம், குருமங்கள யோகம், பஞ்சமகா புருஷ யோகங்களில் ஒன்றான பத்ர யோகம் ஆகிய சிறப்பான யோகங்கள் உள்ளன. அவருக்கு இந்த ஆண்டு ஜூலை மாதத்திற்குள் தனியார் துறையில் படிப்புக்கேற்ற உத்தியோகம் அமையும். இன்னும் ஒன்றரை ஆண்டுக்குள் திருமணம் கைகூடும். உங்கள் பிறந்த நேரம் இல்லாததால் ஜாதகத்தைக் கணிக்க முடியவில்லை. மற்றபடி உங்கள் பிறந்த தேதியின்படி உங்களுக்கு பூரம் நட்சத்திரம் என்று வருகிறது. பிரதி ஞாயிற்றுக் கிழமைகளில் சிவபெருமானை வழிபட்டு வரவும்.