உங்கள் பேரனுக்கு மிதுன லக்னம், பூராடம் நட்சத்திரம், தனுசு ராசி. லக்னம் மற்றும் சுக ஸ்தானத்திற்கு அதிபதியான புதபகவான் அயன ஸ்தானத்தில் ஆறு மற்றும் பதினொன்றாமதிபதியான செவ்வாய்பகவானுடன் இணைந்திருக்கிறார். "மறைந்த புதன் நிறைந்த நிதி' என்பது ஜோதிட வழக்கு. பாக்கியாதிபதியும் விபரீத ராஜயோகம் பெற்று ஆறாம் வீட்டில் அமர்ந்து லக்னாதிபதியைப் பார்வை செய்கிறார். பூர்வபுண்ணியாதிபதி லக்னத்தில் அமர்ந்திருக்கிறார். தைரியாதிபதியும் களத்திர ஸ்தானாதிபதியும் உச்சம் பெற்றிருக்கிறார்கள். தற்சமயம் தைரிய ஸ்தானாதிபதியான சூரியபகவானின் தசை நடக்கிறது. இதன் பிற்பகுதியிருந்து அதாவது இன்னும் இரண்டாண்டுகளுக்குப்பிறகு அவரின் பழக்க வழக்கங்களில் நல்ல மாற்றம் உண்டாகத் தொடங்கிவிடும். படிப்பிலும் சிறந்து விளங்குவார். எதிர்காலம் சிறப்பாக அமையும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.