முருகப்பா குழுமத்தைச் சேர்ந்த டிஐ பைனான்ஸியல் ஹோல்டிங்ஸ் நிறுவனத்தின் (முன்பு டியூப் இன்வெஸ்ட்மென்ட்ஸ் ஆஃப் இந்தியா) இரண்டாம் காலாண்டு தனிப்பட்ட நிகர லாபம் 11.6 சதவீதம் உயர்ந்தது.
இதுகுறித்து அந்த நிறுவனம் மும்பை பங்குச் சந்தைக்கு தெரிவித்துள்ளதாவது:
நடப்பு நிதியாண்டின் ஜூலை-செப்டம்பர் காலாண்டில் நிறுவனத்தின் மொத்த வருவாய் ரூ.26.26 கோடியிலிருந்து அதிகரித்து ரூ.29.53 கோடியானது. தனிப்பட்ட நிகர லாபம் ரூ.24.88 கோடியிலிருந்து 11.6 சதவீதம் அதிகரித்து ரூ.27.79 கோடியை எட்டியது.
செப்டம்பர் 30-ஆம் தேதியுடன் முடிவடைந்த ஆறு மாத காலத்தில் மொத்த வருவாய் ரூ.26.26 கோடியிலிருந்து அதிகரித்து ரூ.33.42 கோடியாகவும், தனிப்பட்ட நிகர லாபம் ரூ.24.24 கோடியிலிருந்து உயர்ந்து ரூ.30.22 கோடியாகவும் இருந்தது என டிஐ பைனான்ஸியல் ஹோல்டிங்ஸ் தெரிவித்துள்ளது.