பொதுத் துறையைச் சேர்ந்த யூகோ வங்கியின் இரண்டாம் காலாண்டு நிகர இழப்பு ரூ.1,136.44 கோடியை எட்டியுள்ளது.
 இதுகுறித்து அந்த வங்கி மும்பை பங்குச் சந்தைக்கு திங்கள்கிழமை தெரிவித்துள்ளதாவது:
 யூகோ வங்கியின் மொத்த வருவாய் செப்டம்பருடன் முடிவடைந்த இரண்டாவது காலாண்டில் ரூ.3,749.18 கோடியாக இருந்தது. கடந்த நிதியாண்டின் இதே கால அளவில் வருவாய் ரூ.3,757.51 கோடியாக காணப்பட்டது. வாராக் கடன் அதிகரிப் பையடுத்து, வங்கிக்கு ஏற்பட்ட நிகர இழப்பு ரூ.633.88 கோடியிலிருந்து உயர்ந்து ரூ.1,136.44 கோடியைத் தொட்டுள்ளது.
 செப்டம்பர் 30-ஆம் தேதி நிலவரப்படி மொத்த வாராக் கடன் விகிதம் 19.74 சதவீதத்திலிருந்து அதிகரித்து 25.37 சதவீதத்தை எட்டியுள்ளது. நிகர வாராக் கடன் விகிதமும் 9.98 சதவீதத்திலிருந்து உயர்ந்து 11.97 சதவீதமாகியுள்ளது. வாராக் கடன் அதிகரித்துள்ளதையடுத்து, அதற்கான ஒதுக்கீட்டுத் தொகை ரூ.1,323.36 கோடியிலிருந்து அதிகரித்து ரூ.1,410.94 கோடியாக இருந்தது என யூகோ வங்கி தெரிவித்துள்ளது.