சில்லறைப் பணவீக்கம் செப்டம்பரில் 4.35 சதவீதமாக குறைந்தது.
இதுகுறித்து தேசிய புள்ளியியல் அலுவலகம் (என்எஸ்ஓ) செவ்வாய்க்கிழமை வெளியிட்ட புள்ளிவிவரத்தில் தெரிவித்துள்ளதாவது:
நுகா்வோா் விலை குறியீட்டெண் அடிப்படையில் கணக்கிடப்படும் சில்லறைப் பணவீக்கம் செப்டம்பரில் 4.35 சதவீதமாக குறைந்துள்ளது. இதற்கு, உணவுப் பொருள்களின் விலை குறைந்து காணப்பட்டதே முக்கிய காரணமாகும்.
இப்பணவீக்கம் 2021 ஆகஸ்ட் மாதத்தில் 5.30 சதவீதமாகவும், 2020 செப்டம்பரில் 7.27 சதவீதமாகவும் காணப்பட்டது.
முந்தைய ஆகஸ்ட் மாதத்தில் உணவுப் பொருள்களுக்கான பணவீக்கம் 3.11 சதவீதமாக அதிகரித்திருந்த நிலையில் செப்டம்பரில் இது 0.68 சதவீதமாக குறைந்தது என என்எஸ்ஓ தெரிவித்துள்ளது.
நடப்பு 2021-22 நிதியாண்டில் இப்பணவீக்கம் 5.3 சதவீதமாக இருக்கும் என ரிசா்வ் வங்கி மதிப்பீடு செய்துள்ளது.