பிரபல மலையாள இயக்குநர் தம்பி கண்ணன்தானம் காலமாகியுள்ளார். அவருக்கு வயது 64.

80கள் மற்றும் 90 களில் 15 படங்களை இயக்கியுள்ளார் தம்பி. 1986-ல் மோகன் லால் நடிப்பில் இவர் இயக்கிய Rajavinte Makan ஹிட் ஆனது. இந்தப் படம் தம்பி, மோகன்லால் ஆகிய இருவருக்கும் திருப்புமுனையாக அமைந்தது. Rajavinte Makan, Vazhiyorakazchakal, Bhoomiyile Rajakkanmar, Indrajaalam, Naadody, Maanthrikam போன்ற படங்களால் தம்பி இன்றைக்கும் நினைவுகூரப்படுகிறார். மோகன்லால் - தம்பி கூட்டணி பல வெற்றிப்படங்களை அளித்துள்ளது.  

1953-ல் பிறந்த தம்பி, இயக்குநர் சசிகுமாரிடம் உதவியாளராகப் பணிபுரிந்தவர். 1983-ல் தனது முதல் படத்தை இயக்கினார். முதல் மூன்று படங்கள் தோல்வியடைந்த நிலையில் Rajavinte Makan படத்தை இயக்கி கவனம் ஈர்த்தார். இவர், கடைசியாக 2004-ல் ஃப்ரீடம் என்கிற படத்தை இயக்கினார். உடல்நலக்குறைவால் கொச்சியில் உள்ள தனியார் மருத்துவனையில் சிகிச்சை பெற்று வந்த தம்பி, இன்று காலமானார். தம்பிக்கு குஞ்சுமோள் என்கிற மனைவியும் இரு மகள்களும் உள்ளார்கள்.