'அண்ணாத்த' பட நடிகர் பாலா தனது திருமண புகைப்படத்தை முகநூல் பக்கத்தில் பகிர்ந்துள்ளார். 

சிவா இயக்கத்தில் நடிகர் ரஜினிகாந்த் நடித்துள்ள அண்ணாத்த திரைப்படம் தீபாவளியை முன்னிட்டு வெளியாகவிருக்கிறது. சன் பிக்சர்ஸ் தயாரிக்கும் இந்தப் படத்துக்கு டி.இமான் இசையமைத்துள்ளார்.

இந்தப் படத்தில் மீனா, குஷ்பு, பிரகாஷ் ராஜ், நயன்தாரா, கீர்த்தி சுரேஷ், சூரி, சதீஷ் என ஒரு பெரும் நட்சத்திர பட்டாளமே நடித்து வருகின்றனர். இந்தப் படத்தில் இயக்குநர் சிவாவின் தம்பியும் நடிகருமான பாலா முக்கிய வேடத்தில் நடிக்கிறார்.

நடிகர் பாலா வீரம் படத்தில் நடிகர் அஜித்தின் தம்பியாக நடித்துள்ளார். மேலும் ஏராளமான மலையாளப் படங்களில் அவர் நடித்துள்ளார். இந்த நிலையில் இவர் எலிசபெத் என்பவரை திருமணம் செய்துகொண்டுள்ளார்.

இந்த நிலையில் தனது திருமணப் புகைப்படத்தை  முகநூல் பக்கத்தில் பகிர்ந்து ரசிகர்களின் வாழ்த்துகளைக் கோரியுள்ளார். இதனையடுத்து ரசிகர்கள் அவருக்கு வாழ்த்து தெரிவித்து வருகின்றனர்.