மேற்கு வங்க மாநில காங்கிரஸ் கட்சியின் தலைவர் ஆதிர் ரஞ்சன் செளத்ரியை திரிணமூல் வேட்பாளரும் முன்னாள் கிரிக்கெட் வீரருமான யூசஃப் பதான் தோற்கடித்துள்ளார்.

மாநில காங்கிரஸ் தலைவர் மட்டுமின்றி, மக்களவை காங்கிரஸ் குழுத் தலைவரான ஆதிர் ரஞ்சன் செளத்ரியை பஹரம்பூர் தொகுதியில் 50 ஆயிரத்துக்கு மேற்பட்ட வாக்குகள் வித்தியாசத்தில் யூசப் பதான் வென்றுள்ளார்.

யூசப் பதான் - 458831 

ஆதிர் ரஞ்சன் செளத்ரி - 389729 

கடந்த 1999 முதல் பஹரம்பூர் தொகுதியின் மக்களவை உறுப்பினராக இருந்த ஆதிர் ரஞ்சன், முதல்முறையாக தேர்தலில் போட்டியிடும் யூசஃப் பதானிடம் தோல்வி அடைந்தது காங்கிரஸ் தொண்டர்களிடையே அதிர்ச்சியை ஏற்படுத்தியுள்ளது.

எனினும், தேர்தல் ஆணையம் இதுவரை அதிகாரப்பூர்வமாக அறிவிக்கவில்லை.