மும்பை: இந்திய திரைப்பட இசையமைப்பாளர் ஆர்.டி பர்மனின் 77-வது பிறந்தநாளை முன்னிட்டு கூகுள் தனது முகப்பு பக்கத்தில் டூடுல் வெளியிட்டு சிறப்பித்துள்ளது.

இசையமைப்பாளர் சச்சின் தேவ் பர்மனின் ஒரே மகனான ஆர்.டி பர்மனுக்கு அஞ்சலி செலுத்தும் வகையில் கூகுள் வண்ணமையமான சிரித்தப்படியான டூடுல் ஒன்றை கூகுள் வெளியிட்டுள்ளது.

இவர், பல்வேறு பாலிவுட் பாடல்களுக்கு பின்னணி இசை அமைத்துள்ளார். சோலே, யாதோன் கி பாரத், மௌசம் உட்பட 330-க்கும் மேற்பட்ட படங்களை  இசையமைத்துள்ளார்.

1983, 1984 மற்றும் 1995 என தொடர்ந்து மூன்று முறை சிறந்த இசையமைப்பாளருக்கான பிலிம்பேர் விருதினை இவர் பெற்றுள்ளார். மேலும், இன்றைய இளைஞர்கள் விரும்பி கேட்கும் சுராலியா ஹே தில், ஏக் லட்கி கோ தேகாதோ என்ற புகழ்பெற்ற பாடல்கள் இவர் இசையமைத்ததேயாகும்.