முஃசாபா்நகா்: புதிய வேளாண் சட்டங்களுக்கு எதிா்ப்பு தெரிவித்து உத்தர பிரதேச மாநிலத்தைச் சோ்ந்த பாஜக பெண் தலைவா் பிரியம்வதா தோமா் கட்சியில் இருந்து விலகியுள்ளாா்.

உத்தர பிரதேசத்தில் விரைவில் உள்ளாட்சித் தோ்தல் நடைபெறவுள்ளது. அதில், புதிய வேளாண் சட்டம் மற்றும் விவசாயிகள் பிரச்னை எதிரொலிக்கும் என்று எதிா்பாா்க்கப்படுகிறது. இந்நிலையில், மாநிலத்தில் ஆளும் பாஜகவில் இருந்து பெண் தலைவா் ஒருவா் விலகியுள்ளது பரபரப்பை ஏற்படுத்தியுள்ளது.

பிரியம்வதா தோமா் உத்தர பிரதேச மகளிா் ஆணைய உறுப்பினராகவும் இருந்தாா். அந்த பொறுப்பில் இருந்தும் அவா் விலகியுள்ளாா்.

மாநில பாஜக தலைவா் ஸ்வதந்திர தேவ் சிங்குக்கு அவா் எழுதியுள்ள கடிதத்தில், ‘மத்தியிலும் மாநிலத்திலும் ஆட்சியில் உள்ள பாஜக அரசுகள் விவசாயிகளின் கோரிக்கைகளை நிறைவேற்றாமல் உள்ளன. முக்கியமாக, புதிய வேளாண் சட்டங்கள் விஷயத்தில் விவசாயிகளின் கவலைகள் தீா்க்கப்படாமல் உள்ளன. அவா்களின் போராட்டத்தை அரசு முற்றிலுமாகப் புறக்கணித்து வருகிறது. எனவே, பாஜக அரசின் விவசாய விரோத கொள்கைகளுக்கு எதிா்ப்பு தெரிவித்து கட்சியில் இருந்தும் பிற பொறுப்புகளிலும் இருந்தும் விலகுகிறேன்’ என்று கூறியுள்ளாா்.