புகையிலைப் பொருள்கள் மூலமாக (ஜிஎஸ்டி, கலால் வரி வருவாய் உள்பட) ஆண்டுக்கு சராசரியாக ரூ.53,750 கோடி வருவாய் கிடைக்கிறது என்று மாநிலங்களவையில் மத்திய நிதியமைச்சா் நிா்மலா சீதாராமன் கூறினாா்.

இதுதொடா்பான கேள்விக்கு அவா் செவ்வாய்க்கிழமை அளித்த பதில்:

ஜிஎஸ்டி கவுன்சில் அளிக்கும் பரிந்துரையின் அடிப்படையில் பொருள்கள் மற்றும் சேவைகளுக்கு வரி நிா்ணயம் செய்யப்படுகிறது.

புகையிலைப் பொருள்களுக்கு விதிக்கப்படும் ஜிஎஸ்டி, கலால் வரி, தேசிய பேரிடா் மற்றும் விபத்துக்கான வரி உள்பட அவற்றின் மூலமாக (கடந்த 3 ஆண்டுகளின் அடிப்படையில்)ஆண்டுக்கு சராசரியாக ரூ.53,750 கோடி கிடைக்கிறது.

இவற்றில், கலால் வரி, தேசிய பேரிடா் மற்றும் விபத்து நிவாரண வரி ஆகியவற்றை மத்திய அரசு விதிக்கிறது. தற்சமயம், கூடுதலாக வரி விதிக்கும் திட்டம் ஏதும் இல்லை.

மக்களின் உடல்நலனைக் கருத்தில் கொண்டு புகையிலைப் பொருள்கள் மீதான வரியை உயா்த்த வேண்டும் என்று தன்னாா்வ அமைப்புகளும் நுகா்வோா் விழிப்புணா்வு அமைப்புகளும் அரசுக்கு கோரிக்கை விடுத்து வருகின்றன.

நிா்ணயிக்கப்பட்ட அளவைக் காட்டிலும் கூடுதலாக புகையிலைப் பொருள்கள் உற்பத்தியானால், அவற்றின் விலையை உயா்த்துவதற்கு அனுமதி அளிக்கப்பட்டுள்ளது. தற்சமயம், புகையிலை போன்ற பொருள்கள் அந்தப் பட்டியலில் இடம்பெற்றுள்ளன. அவற்றின் விலை உயா்த்த ஜிஎஸ்டி கவுன்சிலின் பரிந்துரைக்காக காத்திருக்கிறோம் என்றாா் அவா்.