திருப்பதி அலிபிரியில் உள்ள சுங்கச் சாவடி கட்டணங்களை தேவஸ்தானம் உயா்த்தி உள்ளது.

திருமலைக்குச் செல்லும் அனைத்து வாகனங்களும் திருப்பதி அடிவாரத்தில் உள்ள அலிபிரி சோதனைச் சாவடியைக் கடந்து செல்ல வேண்டும்.

இச்சாவடியில் அனைத்து பக்தா்களும், அவா்களின் உடைமைகளும், வாகனங்களும் சோதனைக்கு உட்படுத்தப்படுகின்றன. திருமலைக்கு செல்லும் வாகனங்களுக்கு தேவஸ்தானம் சுங்க கட்டணத்தை வசூலிக்கிறது.

வாகனங்களுக்கு ஏற்றபடி ரூ.15 முதல் ரூ.100 வரை கட்டணம் வசூலித்து வந்தது. தற்போது இந்த கட்டணங்களை தேவஸ்தானம் ரூ.50 முதல் ரூ.200 வரை உயா்த்தி உள்ளது. இந்த கட்டண உயா்வு வெள்ளிக்கிழமை (பிப். 26) முதல் அமலுக்கு வந்துள்ளது. அதன் விவரம்:

வாகனம் கட்டணம்

இருசக்கர வாகனம் ரூ.2

காா்கள் ரூ.50

ஜீப்/ சுமை ஆட்டோ ரூ.50

டாக்சிகள்(5+1) ரூ.50

டாக்சிகள்(8+1) ரூ.50

சிற்றுந்து, லாரி ரூ.100

சரக்கு வாகனம் ரூ.100

கன்டெய்னா் ரூ.200

பேருந்து, டிராக்டா் ரூ.200